Nick Mohammed yn cyflwyno The Very Best and Worst of Mr. Swallow
Mae Nick Mohammed, seren Ted Lasso sydd wedi’i enwebu am ddwy wobr Emmy, yn mynd â’i hunan-arall Mr Swallow ar daith ar draws y DU am y tro cyntaf. Mae’r sioe wedi cael canmoliaeth fawr gan adolygwyr, ac mae’n gymysgedd o ddeunydd newydd, deunydd hen, deunydd hen iawn a deunydd na chafodd ei ddefnyddio o’r blaen. Disgwyliwch sŵn, mathemateg, hud a lledrith a Les Mis yn ei gyfanrwydd!
Nick Mohammed yw un o ddigrifwyr, actorion ac awduron mwyaf enwog y DU. Mae Nick wedi derbyn canmoliaeth frwd gan adolygwyr am sioeau blaenorol Mr Swallow, Dracula!, Houdini a The Vanishing Elephant ac mae Mr Swallow wedi syfrdanu cynulleidfaoedd yn y Dictionary Corner ar 8 Out of 10 Cats Does Countdown ar Channel 4, gyda chlipiau o’i berfformiadau’n mynd yn feiral yn gyflym. Ef yw awdur a seren Intelligence, cyfres boblogaidd Sky gyda David Schwimmer ac yn ddiweddar mae wedi ymddangos mewn llu o gomedïau teledu gan gynnwys Stath Lets Flats, Inside No. 9 a This Time With Alan Partridge.