Iphigenia yn Sblot

Perfformiadau yn Gymraeg Theatr

Ysgrifennwyd gan Gary Owen

Cyfarwyddwyd gan Alice Eklund

Adolygiad

10 - 28 Medi (ar daith)

Amrywiaeth

Gwybodaeth Bellach

Iaith: Cymraeg
Gofod: Stiwdio
Hyd: Tua 85 munud

Rhybuddion Cynnwys

Mae’r cynhyrchiad hwn yn cynnwys iaith gref, cyfeiriadau rhywiol, themâu sensitif, yn ogystal â golygfeydd a allai beri gofid i rai aelodau o’r gynulleidfa. Cliciwch fan hyn am fwy o wybodaeth.

Rhannwch Eich Angerdd

Wrth brynu tocyn i gynhyrchiad Crewyd yn y Sherman fe welwch opsiwn i ddewis tocyn Rhannwch Eich Angerdd. Mae tocynnau Rhannwch Eich Angerdd yn cael eu prisio ar gyfradd uwch na thocynnau safonol gan eu bod yn cynnwys rhodd wirfoddol o £10. Lansiodd Theatr y Sherman y fenter Rhannwch Eich Angerdd ym 2023 i godi arian i gefnogi ein gwaith allgymorth a datblygiad artistiaid. Ystyriwch cefnogi gwaith y Sherman gan ddewis tocyn ‘Rhannwch Eich Angerdd’ pan rydych yn archebu tocyn

Pwerus. Pwysig. Cyfareddol.

Profwch y clasur cyfoes Cymreig gyda chynhyrchiad newydd o bwys.

Mae bron i ddegawd ers i Iphigenia in Splott, drama ddirdynnol Gary Owen, ryfeddu’r byd: gan swyno cynulleidfaoedd ac adolygwyr fel ei gilydd, ennill gwobrau a dod yn llwyddiant ysgubol yn rhyngwladol.

Nawr yn 2024, mae un o ddramâu pwysicaf hanes theatr Cymru yn dychwelyd, yn fwy perthnasol ac ystyrlon nag erioed. Daw cynhyrchiad pwerus Alice Eklund o’r cyfieithiad Cymraeg newydd sbon â’r clasur tanbaid yn fyw unwaith eto, gyda pherfformiad grymus gan Seren Hamilton. Yn llawn emosiwn amrwd, empathi, tosturi a chalon, mae’r ddrama un fenyw yma’n ysgytwad holl bwysig.

Perfformiad yn y Gymraeg. Bydd capsiynau Saesneg ar gael ym mhob perfformiad.

Yn baglu lawr Stryd Clifton yn feddw am 11.30am… osgoi merch fel Effie fydd y rhan fwyaf o bobl. Chi’n meddwl eich bod yn ei ‘nabod hi, ond does dim clem gennych chi.

Mae bywyd Effie’n gorwynt beunyddiol o ddiod, cyffuriau a drama, a’r pen mawr y bore nesaf yn waeth nag angau. Tan un noson, mae cyfle’n dod iddi fod yn fwy na hyn.

Pum peth y dylech wybod am Iphigenia yn Sblot:

Mae teitl Iphigenia yn Sblot yn cyfeirio at fytholeg Roegaidd
Ysbrydolwyd Iphigenia yn Sblot gan y cymeriad Groegaidd, Iphigenia, a gyniwyd fel aberth i ddyhuddo duwies, ac er lles y Groegiaid. Mae drama Gary Owen yn cymryd aberth fel thema ac yn ei osod yn ein cymdeithas gyfoes.

Mae Iphigenia yn Sblot yn gyfieithiad Cymraeg o ddrama glodfawr Gary Owen
Yn dilyn perfformiadau cyntaf yn y Sherman yn 2015, aeth Iphigenia in Splott ymlaen i’w pherfformio’n rhyngwladol mewn lleoliadau sy’n cynnwys Gŵyl Ymylol Caeredin, National Theatre Llundain, Theatrau 59E59 yn Efrog Newydd, Y Schaübhne ym Merlin a Gŵyl Avignon. Yn fwyaf diweddar fe adfywiwyd y ddrama yn y Lyric Hammersmith, Llundain. Yn sgil ei llwyddiant, fe ymddangosodd y ddrama ar restr y Guardian o’r “50 Sioe Theatr Orau o’r 21ain Ganrif”.

Mae’r ddrama’n defnyddio’r math o Gymraeg y byddwch yn debygol o’i glywed yng Nghaerdydd bob dydd
Mae’r cyfieithiad Cymraeg newydd yma o Iphigenia yn Sblot yn cyfleu cymeriad Effie drwy’r ffordd y mae hi’n siarad. Dywed y cyfarwyddwr, Alice Eklund, “mae’n teimlo fel y Gymraeg glywais wrth dyfu i fyny, y math o Gymraeg roeddwn i’n ei rhannu gyda ffrindiau yn yr ysgol, y Gymraeg dwi’n ei chlywed nawr yn y ddinas.” Mae’r cynhyrchiad hefyd yn cynnwys capsiynau Saesneg integredig ym mhob perfformiad.

Ysbrydolwyd cynllun Iphigenia yn Sblot gan ardal Sblot
Mae’r set, y goleuo a chynllun y tafluniad yn plethu delweddau o ardal Sblot. Mae’r Cyfansoddwr a Chynllunydd Sain, Tic Ashfield, yn defnyddio seiniau a recordiwyd yn Sblot er mwyn creu cerddoriaeth sy’n sownd yn yr ardal leol.

Mae’r tîm creadigol yn cynnwys rhai wynebau cyfarwydd ac un wyneb newydd sbon
Mae Iphigenia yn Sblot yn cyflwyno Seren Hamilton yn ei rôl broffesiynol gyntaf, ac yn cael ei chyfarwyddo gan Alice Eklund (Cyfarwyddwr Cyswllt Tales of the Brothers Grimm, Cyfarwyddwr Cynorthwyol Hansel and / a Gretel). Mae gwaith Gary Owen yn gyfarwydd i gynulleidfaoedd y Sherman, gyda Romeo and Julie yn llwyddiant yn 2023, ac A Christmas Carol yn dychwelyd i’r Sherman y Nadolig hwn yn dilyn perfformiadau yn 2019.

“Y stêt ar chi.
Yn eistedd nôl, taking it easy, disgwyl i fi
Be?
Impresso chi, amazo chi? Dangos chi be sy ‘da fi?
Wel, bechgyn a merched, ladies a gents, ‘fraid not.
Chi di cael pethau back to front, arse about tit
Ac mae upside chi’n definitely down. Chos fi’n gwybod be chi’n meddwl
Pan chi’n gweld fi’n pissed peth cynta y bore
Chi’n meddwl
Stupid slag. Nasty skank.
Wel guesso beth? Heno
Chi lot fan hyn i diolch
I fi.
Yeah, fi’n gwbod mae’n sioc.
Ond chi lot, pob un o chi….
You’re in my debt.
A heno – bechgyn a merched, boni-whatevers…
I’ve come to collect.”

Ariennir gan Gyngor Celfyddydau Cymru

Mae’r seddi yn y Stiwdio heb eu cadw. Mae Dewiswch Eich Pris yn caniatáu chi i ddewis faint hoffwch chi dalu ar gyfer eich sedd.

Bydd gynulleidfaoedd ar draws Gymru hefyd hefo’r cyfle i weld Iphigenia yn Sblot.

Ar daith ledled Cymru:

10-11 Medi 2024
Theatr y Grand Abertawe

12 Medi 2024
Theatr y Met, Abertyleri

13 Medi 2024
Ffwrnes, Llanelli

14 Medi 2024
Awel y Môr, Porthcawl

17 Medi 2024
Mwldan, Aberteifi

18 Medi 2024
Theatr Torch, Aberdaugleddau

19-20 Medi 2024
Theatr Soar, Merthyr Tudful

24 Medi 2024
Theatr Brycheiniog, Aberhonddu

25 Medi 2024
Canolfan y Celfyddydau Aberystwyth

26 Medi 2024
Neuadd Dwyfor, Pwllheli

28 Medi 2024
Galeri Caernarfon

Cast

Biography

Mae Seren ar hyn o bryd yn cwblhau ei blwyddyn olaf yn astudio Actio yng Ngholeg Celfyddydau Perfformio Rose Bruford. Mae ei chynyrchiadau diweddar yn cynnwys rhan Monica…

Seren Hamilton: Effie

Tîm Creadigol

Gary Owen: Awdur

Alice Eklund: Cyfarwyddwr

Jacob Hughes: Cynllunydd

Katy Morison: Cynllunydd Goleuo

Tic Ashfield: Cyfansoddwr a Chynllunydd Sain

Ryan Samuel Davies: Cynllunydd Capsiwn a Thafluniad

Laura Meaton: Cyfarwyddwr Symudiadau

Awdur

Mae credydau'n cynnwys: Romeo & Julie, drama newydd wedi’i chyfarwyddo gan Rachel O’Riordan, wedi’i chyd-gynhyrchu gan y National Theatre a Theatr y Sherman, gyda Callum Scott Howells a Rosie Sheehy yn serennu; The Cherry Orchard, gyda Rachel O’Riordan yn cyfarwyddo ar gyfer Theatr y Sherman, sydd wedi cyfieithu weithred y ddrama i Sir Benfro yn yr 1980au, ar ddechrau oes Thatcher; Killology, cyd-gynhyrchiad rhwng Theatr y Sherman a’r Royal Court gyda Rachel O’Riordan yn cyfarwyddo, a enillodd Gyflawniad Eithriadol mewn Theatr Gysylltiedig yng Ngwobrau Olivier 2018; Violence and Son ar gyfer y Royal Court. Enwebwyd Violence and Son am Olivier yn 2016. David Moorst oedd yn serennu ac fe enillodd wobr am y Ddawn Newydd Gorau yng Ngwobrau’r Evening Standard a’r Newydd-ddyfodiad Mwyaf Addawol yng Ngwobrau’r Critics’ Circle am ei berfformiad fel Liam. Yn 2015, ysgrifennodd Gary Iphigenia in Splott a gafodd ei gyfarwyddo gan Rachel O’Riordan ar gyfer Theatr y Sherman. Ar ôl dwy gyfres o berfformiadau poblogaidd yn y Sherman, perfformiwyd Iphigenia yn y National Theatre yn Llundain am fis, cyn teithio'r DU, a pherfformio yng ngŵyl FIND yn Theatr Schaubuhne Thomas Ostermeier ym Merlin ac yn Theatr E59E yn Manhattan. Enillodd Iphigenia in Splott wobr Drama Newydd Orau Theatr y DU a Gwobr Drama James Tait Black, gyda Sophie Melville fel yr actor yn ennill Gwobr y Stage am Ragoriaeth Actio ac enwebiad am yr Actores Orau yng ngwobrau'r Evening Standard, ac ers hynny mae'r ddrama wedi’i chynhyrchu dros y byd. Cafodd y cynhyrchiad gwreiddiol ei adfywio i gymeradwyaeth enfawr yn y Lyric Hammersmith yn hydref 2022. Yn 2024, bydd Methuen yn cyhoeddi'r testun fel Rhifyn i Fyrwyr gyda chyflwyniad gan Dr Lucy Jackson. Yn 2009 addasodd Gary A Christmas Carol ar gyfer Theatr y Sherman, gydag Amy Hodge yn cyfarwyddo. Yn 2021 llwyfannodd Joe Murphy gynhyrchiad newydd sbon o addasiad Gary a welodd y ddrama yn symud i Gaerdydd yn yr oes Fictoraidd, a bydd y cynhyrchiad hwnnw’n cael ei adfywio gan y Sherman yn 2024. Mae gwaith mwy cynnar Gary yn cynnwys Crazy Gary's Mobile Disco, The Shadow of a Boy (enillydd gwobrau George Devine a Meyer Whitworth), The Drowned World (enillydd gwobrau Fringe First a Pearson Best Play), Ghost City, Amgen, We That Are Left, Blackthorn, Mrs Reynolds and the Ruffian (addaswyd gan Meic Povey fel Mrs Reynolds a'r Cena Bach), Perfect Match, Free Folk, A Love Steals Us From Loneliness. Fe addasodd Spring Awakening a La Ronde ar gyfer CBCDC, ac ar gyfer plant ysgrifennodd Pen-blwydd Poenus Pete a Hartleby, Ooglemoore and Jeramee mewn cydweithrediad â Tim Crouch. Mae’n un o ymddiriedolwyr Theatr y Sherman, ac yn rhan o banel cynghori Uchelgais Grand gyda Theatr y Grand Abertawe. Mae ei ddramâu wedi'u cyfieithu i dros ddwsin o ieithoedd, wedi'u cynhyrchu ledled y byd, ac wedi'u cyhoeddi gan Methuen.

Cyfansoddwr a Chynllunydd Sain

Mae Tic Ashfield yn Gynllunydd Sain a Chyfansoddwr sydd wedi ennill BAFTA Cymru ac sy’n byw yn De Cymru. Ar gyfer Theatr y Sherman: Heart of Cardiff (cyfres drama radio); Lung Water (ar-lein – National Theatre Wales, Sherman Theatre a Chippy Lane Productions); Constellation Street (ar-lein – National Theatre Wales, Sherman Theatre a The Other Room); Ripples (ar-lein – National Theatre Wales, Sherman Theatre and RWCMD / a CBCDC). Theatr a Dawns yn cynnwys: Kill Thy Neighbour (Theatr Clwyd / Torch Theatre); Meta vs Life (Hijinx Theatre); Es & Flo (Canolfan Mileniwm Cymru / Kiln Theatre); Pijin/Pigeon (Theatr Genedlaethol Cymru / Theatr Iolo); Right Where We Left Us (Chippy Lane Productions); The Boy With Two Hearts (Canolfan Mileniwm Cymru / National Theatre); Anthem (Canolfan Mileniwm Cymru); Y Teimlad (ar-lein - National Youth Arts Wales); Rocket Launch Blaenavon (Tin Shed Theatre); Qwerin (Osian Meilir); Ghost Light (Ffwrnes Theatre); Are You O.K.? (ar-lein - Hijinx Theatre); Metamorphosis (ar-lein - Hijinx Theatre); Pryd Mae’r Haf? (Theatr Genedlaethol Cymru); A Number, All But Gone, The Awkward Years, American Nightmare, The Story, Hela (The Other Room); The Gathering, {150}, The Tide Whisperer, For As Long As The Heart Beats, Storm III (National Theatre Wales); On Bear Ridge (National Theatre Wales / The Royal Court); Dear To Me | Annwyl i mi (National Dance Company Wales); The Invisible Woman (Alisa Jenkins); Peeling (Taking Flight Theatre); Cracked (Emily Hinshelwood); Blue (Chippy Lane Productions); Bottom (Willy Hudson); Richard III, Henry VI, Romeo & Juliet (Omidaze Productions); Saturday Night Forever (Joio), Momentos of Leaving, Moment(o)s (Elaine Paton); Hard Times (Lighthouse Theatre); Cold Rolling (Ballet Cymru); My People (Gwyn Emberton Dance); Tir Sir Gar (Theatr Genedlaethol Cymru). Ffilm a Teledu yn cynnwys: Tree On A Hill (BBC/S4C); The Light In The Hall, STAD, Bregus, Hel Y Mynydd, Pili Pala (S4C); Hidden | Craith, Hinterland | Y Gwyll (S4C/BBC); Galesa (Joio); Andrew Marr: Great Scots (BBC2); The Girl In The Diary (S4C).