Ar gyfer oedrannau 3-6
Hwyliog. Cyfeillgar. Hapus.
Yn Nhrefelen, mae yna reolau rhaid i bawb eu dilyn. Os nad oes gennych chi wallt melyn, rydych chi’n wahanol. Ac nid Trefelen yw’r lle i fod os ydych chi’n wahanol…
Un dydd, mae gwallt Elen yn dechrau troi’n las. Mae hyn yn ei hanfon yn bell i ffwrdd o Drefelen, ac o’i Nain, maer y dref. Tybed pwy fydd hi’n cwrdd ar hyd y ffordd? A fydden nhw’n gallu helpu Elen i newid rheolau ei Nain?
Beth allwch chi ei ddisgwyl wrth wylio Elen Benfelen?
Bob Nadolig yn Stiwdio’r Sherman caiff plant 3 i 6 oed ar draws Caerdydd a De Cymru eu blas cyntaf o’r theatr. Addasiad newydd Gymraeg Elgan Rhys o stori Elen Benfelen yw’r sioe berffaith i gyflwyno plant i hud y theatr dros y Nadolig.
Popeth sydd angen i chi ei wybod am Elen Benfelen:
Y stori rydych chi’n ei hadnabod ac yn ei charu, ond gyda thro gwahanol
Mae addasiad newydd Elgan Rhys o Elen Benfelen yn edrych ar y stori boblogaidd hon mewn ffordd wahanol.
Sioe sy’n llawn lliw, cerddoriaeth a hwyl
Adroddir stori Elen Benfelen gan ddefnyddio setiau a gwisgoedd hardd, caneuon bachog a phypedwaith hudolus. Gobeithiwn y byddwch yn gadael y theatr yn canu’r caneuon ac yn sgwrsio am y sioe.
Profiad anffurfiol a chyfeillgar
Perfformir Elen Benfelen gan gast o dri actor, mewn awyrgylch anffurfiol, ac mae’n para pum deg munud yn unig – y cyflwyniad perffaith i’r theatr.
Mae’n ymwneud â dathlu gwahaniaeth
Mae Elen Benfelen yn dathlu gwahaniaethau yn ei holl ffurfiau, ac yn dathlu pwysigrwydd bod yn chi eich hun.
Gwyliwch ein addasiad newydd o stori Elen Benfelen yn Gymraeg neu Saesneg
Bob blwyddyn rydym yn perfformio ein sioe Nadolig yn y Stiwdio yn Gymraeg a Saesneg. Mae Elen Benfelen wedi’i chyfieithu i’r Saesneg fel Goldilocks. Bydd y sioe iaith Saesneg yn cael ei pherfformio mewn perfformiadau ar wahân.
Mae pris popeth fel petai ar gynnydd ar hyn o bryd, ac rydyn ni eisiau sicrhau bod cost tocynnau o fewn cyrraedd cymaint o bobl â phosib:
- Gall 2 Oedolyn a 2 Blentyn weld Elen Benfelen am lai na £40 (yn amodol ar argaeledd).
- Rhannwch gost eich tocynnau ar gyfer y sioe yn ddau daliad hafal, gydag un taliad wrth archebu a’r llall wythnos cyn y perfformiad.
Ffoniwch 029 2064 6900 i ddysgu mwy (ar gael i archebion o £20 neu fwy).
Dyddiadau teithiau a lleoliadau:
Glan yr Afon, Casnewydd 8 Tach, 11.00yb (Saesneg) & 1.30yp (Cymraeg)
The Drill Hall, Cas-gwent 10 Tach, 11:00yb (Saesneg) & 1:30yp (Saesneg)
The Drill Hall, Cas-gwent 11 Tach, 10:30 (Cymraeg)
Theatr Brycheiniog, Aberhonddu 14 Tach, 11.00yb (Saesneg) & 1.30yp (Cymraeg)
Canolfan Garth Olwg Centre, Pentre’r Eglwys 15 Tach, 11.00yb (Cymraeg) & 1.30yp (Cymraeg)
Grand Pavilion, Porthcawl 16 Tach, 11.00yb (Saesneg)
Y Neuadd Les, Ystradgynlais 18 Tach, 11.00yb (Cymraeg) & 1.30yp (Saesneg)
The Drill Hall, Cas-gwent 19 Tach, 2:00yp (Saesneg)
Canolfan Soar, Penygraig 21 Tach, 6.00yh (Saesneg), 22 Tach, 11.00yb (Saesneg) & 1.30yp (Cymraeg)
Canolfan y Celfyddydau, Y Barri 23 Tach, 11.00yb (Saesneg) & 1.30yp (Cymraeg)
Canolfan Celfyddydau Pontardawe 24 Tach, 11.00yb (Cymraeg) & 1.30yp (Cymraeg)
