Dyma gyfle i brofi stori Gymreig ddiamser ar ffurf newydd, wreiddiol.
Stiwdio recordio yng Nghaerdydd.
Mae technegwyr sain wrthi’n brysur yn gosod offer ar gyfer sesiwn recordio. Ond wrth i’r perfformwyr gamu at y meics, mae rhywbeth o’i le… pa fath o stori maen nhw am ei hadrodd?
Mae clasur Dylan Thomas wedi ei ail-ddychmygu ar gyfer lleisiau ifanc di-ofn Theatr Cenedlaethol Ieuenctid Cymru.
Mae’r addasiad Cymraeg a Saesneg newydd hwn yn cyfuno byd telynegol Llareggub, gyda Chymru gyfoes heddiw sy’n ferw o gerddoriaeth, meicroffonau a phedalau dolen. Mae’n gynhyrchiad sy’n arddangos brwdfrydedd a photensial cast o berfformwyr hynod dalentog.
Addasiad gan Mari Izzard
Yn seiliedig ar drosiad Cymraeg T James Jones
Cynllunydd: Elin Steele
Cyfarwyddwr Cysylltiol: Alice Eklund
Pob perfformiad yn cynnwys uwchdeitlau (Dyluniad fideo gyda uwch-deitlo creadigol integredig) yn Gymraeg a Saesneg
BSL a Sain Ddisgrifio: 31 Awst
Mae’r cynhyrchiad amatur hwn o “Under Milk Wood” (Y Fersiwn Terfynol) yn cael ei gyflwyno drwy ganiatad Concord Theatricals Ltd. ar ran Samuel French Ltd. www.concordtheatricals.co.uk
