BLOEDD!

Mae Azuka Oforka yn ddramodydd ac ysgrifennwr i'r sgrin. Wedi'i geni a'i magu yn Llundain, symudodd i Gaerdydd yn 2012. Mae ei phrofiad yn cynnwys y Critical Mass Writers Group ac Invited Writers Group (Royal Court Theatre), comisiwn ymchwil a datblygu ar gyfer The Last Bastion gan The Other Room Theatre, rhestr fer BBC Writersroom Drama Room 2021, Lleisiau nas Clywir Theatr y Sherman, BBC Writersroom Welsh Voices 2022, rhestr hir BBC Studios/Thousand Films Thousand Stories. Mae hi'n rhan o Raglen Fentora gyntaf Jed Mercurio, lle bydd yn datblygu peilot gwreiddiol i’r teledu o dan fentoriaeth yr ysgrifennwr a'r rhedwr sioe Emma Frost. Teimlai’n angerddol dros adrodd straeon sy’n canolbwyntio ar fenywod cymhleth ac yn rhoi sylw i gymunedau ymylol sydd wedi’u tangynrychioli mewn lleoliadau cyfoes a hanesyddol.

Connor Allen yw’r Children’s Laureate Wales bresennol ac mae’n artist cyswllt gyda Theatr Glan yr Afon, Casnewydd. Mae’n gyn-aelod o grŵp ysgrifennu BBC Cymru, Welsh Voices, a’r grŵp Welsh Royal Court. Mae wedi ysgrifennu ar gyfer Canolfan Mileniwm Cymru, BBC Radio 4 a mwy. Caiff ei waith ei ysbrydoli’n drwm gan elfennau o’i fywyd ei hun, gan gynnwys galar, cariad, gwrywdod, hunaniaeth, ac ethnigrwydd. Derbyniodd y Jerwood Live Work Fund, enillodd y wobr Rising Star Wales 2021, ac enillodd Gwobr Imison yn 2021 am ei ddrama glywedol ar Radio 4 ‘The Making Of A Monster’.

Mae Enfys Clara yn actor, cyfarwyddwr cynorthwyol a gweithredwr capsiynau sydd bellach yn mentro i'r byd ysgrifennu. Cawsant eu perfformiad proffesiynol cyntaf ar y llwyfan yn 2021 fel actor prentis yn A Christmas Carol gan Theatr y Sherman, ar ôl bod yn rhan o Theatr Ieuenctid y Sherman am flynyddoedd lawer. Yn fwyaf diweddar bu Enfys yn gyfarwyddwr cynorthwyol ar Imrie, drama Gymraeg arobryn a deithiodd ledled Cymru. Mae Enfys yn gyffrous mai yn y Sherman fydd perfformiad cyntaf eu hysgrifennu, gan ei fod yn ofod lle maen nhw wedi datblygu drwy eu hoes.

Mae Leila yn ddigrifwr, actor, cyflwynydd ac ysgrifennwr ifanc o Dde Cymru. Ymddangosodd yng Ngŵyl Fringe Caeredin am y tro cyntaf eleni gyda'i sioe gomedi cerddorol poblogaidd awr o hyd, Composition. Derbyniodd feirniadaeth o ganmoliaeth – ‘cyflwyniad trawiadol i gomig ag addewid’ (Guardian). Bydd ymlaen yn Theatr Soho yn ddiweddarach yn 2023. Wedi’i disgrifio fel ‘dyfodol go iawn gomedi’ (LMAOnaise), mae ei chredydau stand-yp teledu a radio yn cynnwys BBC New Comedy Awards 2022 (BBC) Live at Aberystwyth Pier (BBC), Stand-up Sesh (BBC), Stand Up in My House (BBC) a The Leak (BBC). Mae hi'n ddwyieithog, gyda'i chredydau Cymraeg yn cynnwys Ffyrnig (S4C) a Ni y Nawdegau (BBC Cymru).

Yn 2021, cyd-hysgrifennodd a serennodd yng nghyfres Vandullz ar BBC iPlayer. Derbyniodd ganmoliaeth, ac fe'i galwyd yn ‘gomedi deniadol wedi'i ysgogi gan y cymeriadau’ (Chortle). Yn 2022, lleisiodd rôl Claire yng nghyfres gomedi poblogaidd sianel 4 Don’t Hug Me I’m Scared. Fel cyflwynydd, mae hi'n cyflwyno cyfres Don't Blame Me, Blame My Brain ar CBBC ochr yn ochr â'i chyd-ddigrifwr Ken Cheng.

Ers cael ei gwahodd i fynychu BBC Writersroom – Welsh Voices yn 2017, mae hi wedi ysgrifennu ar raglenni sy’n cynnwys Never Mind The Buzzcocks (Sky), Yesterday, Today & The Day Before (Comedy Central), United Kingdoms (BBC Radio 4), BAMESHOW (BBC Radio 4) a Tourist Trap (BBC One Wales). Darlledwyd ei drama I’ve Been So Touched ar Radio 4 yn ystod Gaeaf 2022. Wedi’i henwi’n ddiweddar fel ‘ysgrifennwr arloesol’ gan BBC Comedy, mae hi wedi ysgrifennu ar gyfres Jack Whitehall, Bad Education, yn ogystal â chyfres gomedi newydd Spencer Jones ar ITV, Deep Fake Neighbour Wars.

Mae Jafar yn gynhyrchydd creadigol ac artist llawrydd sy'n byw yng Nghaerdydd. Yn ddiweddar, ar ran The Other Room fe gynhyrchodd Idle, They Yammer a Baba Joon; cyd-gynhyrchodd podlediad i'r Cyngor Prydeinig am ei daith i Dde Affrica a Zimbabwe; a dechreuodd weithio ar yr ail gymal o Scene/Change, sef y rhaglen ysgrifennu dramâu gyntaf erioed ar gyfer ysgrifenwyr Cymreig ac yn byw yng Nghymru o dreftadaeth De Asia.