Gostyngiadau
Ar gyfer y mwyafrif o sioeau (gan gynnwys holl gynyrchiadau’r Sherman), mae athrawon yn gallu cael tocyn am ddim (1 i bob 10 disgybl).
Weithiau rydym yn cynnig bargenion cynnar ar gyfer rhai o’n sioeau Nadolig. Edrychwch ar ddolennau priodol er mwyn cael fwy o wybodaeth.
Cyrraedd yma
Mae mannau gollwng a chasglu cyfleus ar gyfer bysiau wedi’u lleoli’n agos iawn at y theatr.
Eich ymweliad
Gallwch archebu ystod o luniaeth ymlaen llaw ar gyfer eich grŵp (yn aml am bris gostyngedig) gan gynnwys hufen iâ, diodydd a blychau cinio.
Gweithgareddau ac adnoddau
Mae ein tîm Ymgysylltu Creadigol yn cynnig ystod o weithgareddau i wneud y mwyaf o ymweliadau ysgolion a cholegau â Theatr y Sherman, gan gynnwys gweithdai pwrpasol, gweithgareddau y tu ôl i’r llenni, cynllun Mabwysiadu Actor, a sgyrsiau a thrafodaethau ar ôl y sioe. Gall ein tîm deilwra y gweithgareddau addysg i ddiwallu anghenion cwricwlwm penodol neu anghenion eich grŵp. Mae’r tîm hefyd yn cynnig adnoddau dysgu AM DDIM sydd wedi derbyn canmoliaeth fawr, ar gyfer y rhan fwyaf o gynyrchiadau Theatr y Sherman.
Hygyrchedd
Rydym yn cynnig perfformiadau hygyrch ar draws y flwyddyn. Cliciwch fan hyn i weld bob perfformiad hygyrch sydd ar gael.
Mae ein cyntedd, toiledau a’n gofodau yn hollol hygyrch.
Rydym wedi ymrwymo i gefnogi plant a phobl ifanc ag anghenion ychwanegol. Rhowch wybod i’n tîm Swyddfa Docynnau am eich gofynion wrth archebu.
Am ragor o wybodaeth ac i archebu tocynnau, cysylltwch â’n Swyddfa Docynnau ar 029 2064 6900 neu e-bostiwch box.office@shermantheatre.co.uk.