Rydyn ni’n cynnig ystod eang o wasanaethau i wneud ein perfformiadau yn hygyrch.
Capsiynau
Sgript lawn y perfformiad a’r holl giwiau sain wedi eu harddangos ar sgrin yn yr awditoriwm.
Dehongliad BSL
Perfformiad wedi ei gyfieithu i iaith arwyddion Prydain (BSL). Mae arwyddwr yn dehongli wrth ymyl y llwyfan.
Disgrifiad Sain
Sylwebaeth fyw ar bopeth sy’n digwydd ar y llwyfan. Rydyn ni’n darparu clustffonau.
Perfformiadau Hamddenol
– Gallwch symud o gwmpas, siarad a lleisio yn ôl yr angen
– Bydd goleuadau’r awditoriwm ymlaen ar lefel isel yn ystod y sioe i’ch galluogi i adael yn hawdd a bydd y drysau allanol i’r cyntedd yn aros ar agor trwy gydol y sioe
– Os gwelwch fudd o wisgo amddiffynwyr clustiau maen nhw ar gael i’w benthyg am ddim drwy ofyn i’n tywyswyr yn yr awditoriwm a’r tîm yn y Swyddfa Docynnau
– Bydd gofod i ymlacio gyda phabell dywyll a theganau synhwyraidd yn y cyntedd, wedi’i leoli yn y gornel wrth y ffenest, ar gael i chi ei ddefnyddio pryd bynnag y bydd angen
Amddiffynwyr Clust – Os ydych chi angen amddiffynwyr clust i wylio unrhyw un o’n perfformiadau, maen nhw ar gael yn y Swyddfa Docynnau.
Mae croeso i chi gysylltu â’r Swyddfa Docynnau i drafod unrhyw ofynion mynediad.
Mae ein holl wasanaethau mynediad ar gael heb unrhyw gost ychwanegol tu hwnt i bris tocyn.