Rydyn ni’n chwilio am wisg ysblennydd ar gyfer Moonshine, cymeriad yn Pyramus a Thisbe, sef y “ddrama o fewn drama” enwog sy’n cael ei pherfformio ar ddiwedd A Midsummer Night’s Dream gan y Mechanicals doniol. Rydyn ni’n gofyn i bobl ifanc helpu i ddylunio’r wisg ar gyfer y cymeriad hwn, a bydd y dyluniad buddugol yn dod yn fyw ar y llwyfan fel rhan o’r cynhyrchiad.
Y beirniaid yw dylunydd y ddrama Elin Steele, a’r Rheolwr Ymgysylltu Creadigol Timothy Howe. Bydd cynigion eraill yn cael eu harddangos yng nghyntedd Theatr y Sherman yn ystod rhediad A Midsummer Night’s Dream. Y dyddiad cau ar gyfer cyflwyniadau yw Gorffennaf 30.
Tasg Cystadleuaeth A Midsummer Night’s Dream:
Ydych chi’n gwybod beth allai’r lleuad ei wisgo? Efallai eich bod wedi helpu lleuad i wisgo? Os felly, mae angen eich help arnom! Rydym yn gofyn i bobl ifanc greu delweddau o sut allai Moonshine edrych yn ein cynhyrchiad.
Mae A Midsummer Night’s Dream yn cynnwys perfformiad o ddrama o’r enw Pyramus a Thisbe o fewn y stori, ac mae Moonshine yn gymeriad yn y ddrama hon. Mae’r ddrama’n cael ei pherfformio gan grŵp o actorion o’r enw ‘The Mechanicals’ – ond dydyn nhw ddim yn dda iawn. Mae hi i fod yn ddrama ddifrifol iawn ond mae’r gynulleidfa yn credu ei bod hi’n ddoniol!
Dim ond rôl fach iawn sydd gan y person sy’n chwarae Moonshine, ond maen nhw wedi penderfynu serennu yn yr olygfa gyda’u gwisg. Mae’n drawiadol iawn, ac yn wedi ei wneud gyda llaw. Gobeithiwn y gallwch ddychmygu sut olwg fyddai arnynt. Mae’n bryd dechrau creu!
Fe allech chi greu rhywbeth sydd, yn eich barn chi, yn cynrychioli’r lleuad, gallai fod yn haniaethol neu hyd yn oed fel collage – beth hoffech chi i Moonshine fod? Oes rhaid iddo fod yn siâp mawr crwn? Deunydd disglair neu adlewyrchol? Neu efallai fod goleuadau ym mhobman hyd yn oed? Yr unig derfyn yw eich dychymyg.
Byddwch yn fentrus. Gallai llun eich dyluniad fod wedi’i wneud o gywaith o ddelweddau a gweadau neu efallai y gallech ddefnyddio delweddau wedi’u torri o gylchgronau neu ddarnau o ddefnydd?
Rydym am gael ein swyno gan eich ymdrechion felly ceisiwch ein herio gyda’ch penderfyniadau artistig.
Bydd un o’r dyluniadau hyn yn ymddangos yn ein cynhyrchiad yn yr hydref ond bydd y gweddill yn cael eu harddangos yn ein cyntedd!
SYLWER Ni ddylai’r dyluniadau hyn fod yn fwy na phapur A4.
Anfonwch y dyluniadau ynghyd â’r wybodaeth ganlynol i’r theatr erbyn Gorffennaf 30 er mwyn gweld a ydym wedi ein swyno gan eich dyluniadau:
Enw’r dylunydd –
Enw’r ysgol a’r cyswllt –
Cyfeiriad i’w danfon:
Gwisg Moonshine
Theatr y Sherman
Ffordd Senghennydd,
Caerdydd,
CF24 4YE
Rhaid i ymgeiswyr fod rhwng 10 ac 16 oed a rhaid i geisiadau ddod i law erbyn Gorffennaf 30.
A Midsummer Night’s Dream
Wedi’i gyfarwyddo gan Joe Murphy, A Midsummer Night’s Dream yw’r diweddaraf, a’r gyntaf ers 2019, yng nghyfres hirsefydlog Theatr y Sherman o gynyrchiadau clasurol yr hydref sy’n cyflwyno addasiadau newydd a beiddgar o ddramâu poblogaidd. Mae’r cynhyrchiad hwn yn addo’r hud y mae cynulleidfaoedd yn ei ddisgwyl gan A Midsummer Night’s Dream gan hefyd gynnig mewnwelediadau newydd a chyfleoedd i feddwl am ein byd ni nawr.
Bydd dwy o awduron mwyaf cyffrous Cymru, Mari Izzard (HELA) ac Awdur Preswyl y Sherman, Nia Morais (Crafangau / Claws) yn cynnig safbwyntiau newydd a ffres ar y clasur bytholwyrdd hwn gydag addasiadau newydd yn yr iaith Gymraeg. Mae Mari a Nia wedi creu deialog newydd ar gyfer y tylwyth teg a chymeriadau sy’n cael eu swyno gan y tylwyth teg.
Mae’r cynhyrchiad yn sicr o fod yn chwareus wrth wyrdroi disgwyliadau o’r campwaith hwn gan gynnwys newidiadau i rôlau rhywedd a rhywioldeb. Bydd A Midsummer Night’s Dream yn cael ei pherfformio yn Saesneg gyda’r addasiadau Cymraeg newydd yn cael eu capsiynu ym mhob perfformiad.