Cydweithrediad rhwng pum sefydliad o Gymru yw Craidd i ysgogi newid ystyrlon a chynaliadwy, gan wella cynrychiolaeth a chyfleoedd ar gyfer pobl Fyddar ac anabl (gan gynnwys pobl niwroamrywiol a phobl ag anableddau dysgu) ar draws sector theatr prif ffrwd Cymru. Ein nod ni yw sicrhau bod mynediad a chynhwysiant wrth graidd byd y theatr yng Nghymru.
Y sefydliadau dan sylw yw: Theatr Clwyd, Theatr y Sherman, Celfyddydau Pontio, Theatr y Torch a Choleg Brenhinol Cerdd a Drama Cymru.
Mae’r cam cyntaf hwn yn y cydweithio wedi cynnwys archwiliad o bob sefydliad, sgyrsiau sector, hyfforddiant helaeth, a diffinio map ffordd ar gyfer 5 mlynedd nesaf y rhaglen. Ar ôl ymgynghori fe wnaethon ni newid ein henw i Craidd (Ramps Cymru gynt). Cyn bo hir byddwn yn penodi 5 Asiant dros Newid a fydd yn gweithio ochr yn ochr â’r Cyfarwyddwr dros Newid i roi newid ar waith a gwneud byd y theatr yng Nghymru y mwyaf hygyrch yn y byd.